第三日 ~ 知音塔 正陽步行街 桂林米粉午餐 玉石珠寶店 竹炭生活館
後尾mami先問番導遊哩個叫咩塔 但係得好少時間影相囉
行行哩兩張相係領隊影嘅 行行話自己好靚仔喎
哩張係比錢買嘅
哩粒係夜明珠 更係要影下相啦
街邊無哪哪有摇摇板
正陽步行街 導遊話比廿十分鐘行喎 有冇攪錯 彩佢都傻
嫲嫲買桂花
食下串燒
桂林米粉餐 其實咪係米線 mami就麻麻地嘞
芊芊話哩個小食餃子好食 就買咗一包 點知返到香港開先發現買個包係蕃薯味 但係其實唔覺有味既 好彩隻芊都食哂
跟住去參觀指定嘅地質礦產博物館 即係珠寶玉石店囉 仲要困住團友一定要係show room留半個鐘囉
最後一站嘅竹炭生活館就好d 冇咁悶 仲有收獲添
每人一小包竹炭花生 芊芊話好好食 咁買d囉
大約4點15分就開始出發去番高鐵嘞
今次坐餐卡喎
不過好唔好彩 分配到5個位都係倒頭位置 好彩既係都冇頭暈
拜拜桂林
都係影唔到過300km/hour dada話淨係由深圳至廣州個程先有咁高速喎
差唔多時間就開餐嘞 ~ ~ 康師傅杯麵
原來芊芊同行行都係第一次食杯麵咋
隻行瞓咗 我地食都尾先叫隻行起身食
不停食下食下野就到廣州嘞
係廣州高鐵站坐番旅遊巴去深圳灣
夜晚11點先過關 返到屋企零晨12點幾 隻行一入屋就趴落梳化 叫極都唔醒
每人一套三樽桂林三寶 ~ 三花酒 腐乳 蒜蓉辣椒
除買咗羅漢果 仲同導遊買咗龍眼肉
最後哩日 車上黎咗個跟車影相嘅 我地就比佢影咗張象鼻山同知音塔相 而之後話咗係人民幣15蚊買一張相加一個匙扣 點知嫲嫲姑姐mami係舖頭行耐咗 個dada係車已經比咗錢個影相佬 兩張相但係就得一個匙扣 又呃人喎 哩個係原則問題 mami更係話個導遊啦!
今次哩個旅行團團費好平 淨高鐵票都要差不多一半團費嘞 所以食用一般都係正常嘅 不過行程表上寫嘅自費項目(銀子山岩洞 竹筏 夜遊四湖兩江) 大家都以為係應個人喜好參唔參加嘅 點知一上車冇耐 導遊就講到其實係一定要參加囉 唔係維皮唔到 而團友中其中一批十個團友就話唔參與自費項目 於是導遊領隊就不斷講 其實真係唔好囉 乾脆不如一開始加埋落團費度包埋喇 好彩最後都係所有團友參加囉 唔係唔知會係點收科
回程係高鐵坐對面嘅另一團團友 係同行程嘅 佢地話夜遊個塔同玻璃船好靚 仲比咗相mami睇添 原來係夜晚去嘅知音塔 噢... 其實即係我地嘅自費項目少咗一個囉 又冇攪錯 有團友話投訴個導遊 而另一團友又話佢投訴過好多次都係冇回應嘅
過咗幾日mami 收到旅行社whatsapp叫mami對個團評分 咁mami更係好仔細咁比分 同寫一大段野投埋導遊司機遲到 去少咗自費項目等待啦
不過總括黎講係玩得開心嘅 而mami問番婆婆 原來mami都係第一次去桂林
