日本5天自由行(7) 第五日 ~ 黑門市場

最後一日係日本嘞  去黑門市場買生果 

太早未開哂檔  食完個早餐就差唔多開哂檔嘞 

檸檬茶就只得一片檸檬 

有即燒海鮮呀!  回想番都後悔冇食燒大蝦囉  真係好大隻架 

註明"可買回香港" 

mami 同芊芊都鍾意食草餅   好彩係哩度點都買咗盒草餅返香港比芊芊食  唔係嘅話  就真係黎到日本咁新鮮都冇食過一嚿冇買返香港囉

最後mami買咗箱富有柿1150 yen   同一箱崗山晴王提子11000 yen

仲買咗兩棵京蔥 

之後行咗去橫街  又有好多野睇  可惜冇時間又冇手囉  跟住係哩間好地道嘅麵店食午餐 

全個旅程直到今日先醒起要買罐可樂比婆婆囉  好彩都買到

戰利品  哩個係比姨婆個幾隻寶貝既  mami一見到就覺得好攪笑  又得意 

芊芊order mami要買嘅日本柑 

百貨公司買嘅朱古力  好抵下喎 

明明預夠時間係機場食埋野先上機既  點知去到排隊check-in同安檢咗好耐  攪到有冇時間買野  又冇時間食野  連廁所都冇去到就要上機喇  真係吖!  另外原來廉航除咗寄倉行理  上機只準帶兩件行理囉  check-in先知  好輪盡呀!

冇時間都要去搵薯條三兄弟買囉  可惜唔見有  點都執兩盒野黎買

係機上Aunty Angela買咗支水  25蚊鬼咁細支  要記低支水喎

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

而今日兩隻豬豬同dada一齊  就爭野喊嘞  個dada就whatsapp悔氣說話比mami聽囉



返到屋企樓下要dada落樓幫手攞行理  mami一個真係攞唔到上樓囉
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

安全完成旅程  自由行  係多咗shoping既次數  不過景點就少   而每次亦都係唔夠時間shop既  亦好彩mami冇聽Aunty Angela意見  話最尾個兩日先shopping咋  唔係跟本買唔切野  同一日內點攞到咁多野  而係機場更加係買唔到野  所以mami一見啱就買架喇

自由行預咗行到腳仔軟  mami好彩準備好哂野  對豬腳都接受得到今次既旅程

旅行5日  除咗5日全屋嘅衫都未洗之外  仲連出發前洗乾淨嘅衫都未收囉  真係吖!

另外棵小白菜亦都冇人淋水  謝哂  好彩之後淋番幾日  就生番咋

第二朝起身返學  芊行見到mami又冇特別話好掛住mami喎  即係其實真係冇mami都得架喇

祈待下一次嘅旅行!

日本5天自由行(6) 第四日 ~ 蟹宴

第四日食完早餐就要搬酒店嘞 

mami個唿已經滿哂  其實都唔係買咗好多野啫

係心齋橋尾一路行落去地鐵附近  就係最後一晚嘅酒店嘞 

Hotel Mystays 

未夠鐘食午餐shopping下先  其實mami一心諗住係日本既agnis b買個袋比自己  姑姐同嫲嫲  失望囉  d款都唔靚又少喎  冇買囉    

而哩間3層嘅sanrio竟然冇bonbonribbon野  所以都冇買野

今日食蟹宴  正呀!  @蟹道樂  

我地坐嘅位置 

mami唔食生既  燒嘅就最啱嘞  另外一d就淥熟黎食  好味啊! 

諗住食蟹  蟹肉又唔係多  就叫咗兩個多野d餐  一個普通  再加一個蟹飯  跟住就大家都好忙咁拆蟹肉黎食  食極都有  食完又有蟹上檯  足足食咗兩個半鐘有多  不停食  食到你讓我  我讓你  哈哈...

個飯好好食 

蟹膏mami食咗一啖   唔多鍾意嘞  好"聲"呀!

Aunty Angela 話mami 淥到條蟹肉爆哂   但係mami覺得正喎

已經好飽嘞  仲有蟹肉壽司同蟹粥 

出面落緊雨啊! 

跟住又去商場  行天橋時  有似層認得嘅畫面  唔同係n年以前dada同mami黎過?!

係哩個商場  mami買咗哩張摺櫈  好輕架  百幾蚊  去主題公園用就最啱嘞 

今晚食姨婆介紹嘅拉麵舖  原來只得一款  就係叉燒拉麵   又真係幾好食喎

食完返酒店放底野  Aunty Angela又話出去行下  咁mami更係唔放過睇野嘅機會喇  不過出面都幾大雨 

甜品宵夜  Aunty Angela話mami哩杯芭菲好heavy   但係不知幾好食囉  食甜品唔多唔少都heavy架喇  黎到日本  更係食咗先算喇

今日嘅戰利品  mami都專登唔買bonbonribbon襪比芊芊  淨係買比行行

又買到樣野比行行  武士喵公仔 

行過發現到有bonbonribbon同妖怪手錶衫  比人鬧都要買喇

可惜bonbonribbon衫最大只有130碼   唔理   都賣喇

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日嫲嫲姑姐都同兩隻豬豬去飲埋茶  咁mami都有少少時間同兩隻豬豬聯絡  之後淨得個dada就消失哂聯繫喇

mami聽日就返黎架喇