一人一花 ~ 一串紅

盆一人一花既一串紅   明明生長得好地地咕喎   突然發現枯萎咗喎   快 d 影番張相紀錄先

幾日後成棵乾涸咗

無胃口

今日chin唔駛返學   dada就返晏   chin食埋lunch先返嫲嫲到  

哩 d 就係唔識打中文   又懶寫字   用講野出字既結果囉   就係"諗到mami就冇哂胃口"   哈哈...

晨早breakfast

尋日早多咗30分鐘起身食晨早breakfast   今日亦都話要食   mami買完早餐見到個囝   

第一時間唔係叫個囝食野   而係影相   哈哈...

新TV

嫲嫲屋企買咗新電視   可以上網添喎   兩隻豬豬勁like喇

點解我地屋企個電視機唔壞既   不過壞既話   mami又要洗錢   都係繼續用舊野好嚕

唔補習

升咗中學哩個學期   雖然返咗一個月後就轉咗一星期三日補習   但基本上每次隻chin都係做完功課就走架嘞   而冇功課唔識做既就唔去添   mami成日都收到個囡既whatsapp通知  

~ 今日去做完功課就走
~ 今日冇功課  唔去補習 
~ 今日冇功課唔識做  唔去補習 
~ 今日要洗頭   唔去補習 
~ 今日唔想去補習

mami:    比咗錢又唔去補習... 嘥哂 d 錢喎...
chin:      一係我唔補習喇...  其實我都唔想去補習...
mami:    你攪得掂既唔去補習都冇問題... 不過有功課唔識做咁點...
chin:       dada都可以頂住檔既...
mami:    如果成績差咗... 都要補番習咕喎...

晨早breakfast

繼續同個囡食晨咁早breakfast   好眼瞓呀   mami真係好愛隻chin呀   哈哈...

chin:   我唔眼瞓喎...

黐住mami

mami沖完涼賴係床煲劇   隻hang就有廳既大電視唔睇   要入黎睇電視仔同mami一齊喎

睇睇下就瞓底咗黎睇   咁似mami既

小腳板走天涯

hang:     今晚930有小腳板走天涯呀... 你睇唔睇呀...
mami:    好吖...
dada:     唔睇喇... 瞓覺呀...

家長日

家長日最後老師比咗11點見   咁再早少少去到喇   係班房門口等   原來11點已經係第一個見嘞  

兩位班主任都記得mami係家長晚會黎過   仲記得當時mami話chin叻叻肯舉手答問題   於是就問mami覺得chin仲有咩野叻咗   噢... mami即刻諗唔到喎   反而mami就話不如講唔好既喇   就係個書包太重   

mami:    個書包成嚿磚咁... mami肉赤呀...

chin既成績係有好多進步既空間  老師都話chin係可以再努力 d 既

跟住mami就見隻chin係度眼紅紅想流眼淚嘞

mami:    仲咩流眼淚啫... mami又冇鬧你... 係咪傻chin黎架...

好快見完   哪哪淋去巴士站   巴士上 

mami:    可唔可以話比mami知... 正話為咩喊呢...
chin:       嗯... 唔知呀... 淨係 d 眼淚好想流出黎...
mami:    喔... 咁得意既...


齊齊睇下成績表   有兩科好高分喎   獎   個囡笑哂

自理營@大棠渡假村

學校今年開始改咗二至五年級唔去宿營   轉咗日營   咁就唔似係"自理營" 喇   去大棠渡假村   似旅行多 d 囉

食個豐富既早餐先入營喇   不過今朝隻hang好黑人憎喎

hang:     我要太陽蛋...

mami:    牛尾通太陽蛋吖嘛...

hang:     係呀...

隔咗一陣

hang:      我都係要炒蛋吖...

到mami落order個陣   禁得支付寶黎就記錯咗嘞   到攞餐先發現叫咗太陽蛋

mami:     mami叫錯咗呀...

hang:      吓... 我要炒蛋喎...

mami:     咁叫錯咗吖嘛... 

hang:      咁點呀... 我食開炒蛋咕喎...

mami:     你又唔係唔食太陽蛋既... 係你轉來轉去我先記錯啫...

hang:      咁人地係話食炒蛋架嘛...

mami:     咁你唔食就我食喇... 唔好再講嘞... 第日你自己去叫餐...

hang:      咁我食囉...

係咪想大庭廣眾星你兩把呀

又影下個牙窿

好早返到學校   突然大鍾sir叫五年級既學生先入去   隻hang真係矮啊

大鍾sir比任務五年級學生   但隻hang就哩埋係柱後面   真係吖

係咪因為哩埋咗比發現   所以罰要揸兩個牌呢

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

係校網搵既相

見到chin個學妹相   download比chin睇囉

甩第11隻牙

今朝hang刷牙   刷甩咗第11隻牙

腳痛

尋晚

hang:      mami你聽朝6:30叫我起身喇...
mami:     6:30 ?!
hang:      我想聽日食牛尾通吖嘛...

好   mami就6:15就起身梳洗完自己   就叫兩隻豬豬起身嘞   兩隻都嗌一分鐘又一分鐘   最後隻hang又放棄牛尾通   咁都要起身架   夠鐘返學架喇

都算係早咗出門口   但係更係食唔到早餐喇

hang:       可以去搭車喎...
mami:      行下喇... 行返學校喇...
hang:       依家仲可以搭車... (要早mami先肯搭車  因為唔想太多人要迫上車)
mami:      點解依家咁懶... 成日都要搭車... 同你搭咗一輪... 就成日都要搭既...
                 比個理由我點解成日都要搭車返學... (已去緊行返學校既線路)
hang:       我腳痛... 個膝頭哩度痛呀...
mami:      咁比個書包我揹喇... 尋晚冇痛... 今朝冇痛... 
                 點解依家會痛... (跟住隻行就拐下拐下咁行路)
hang:       唔係呀... 尋日都已經有痛架喇... (仲即刻變拖下拖下咁行)

此刻mami唔知個囝係真痛定假痛   亦唔想一諗就係諗個囝講大話

mami:      體育老師係邊個... 我打電話同老師講你腳痛... 上唔到體育堂喇...
hang:       唔駛...
mami:      拉下根喇... 等個膝頭鬆下就冇咁痛既...
hang:       點拉呀...
mami:      登直隻腳咁囉...

費話一埋後   其實mami鴿到   一唔望隻hang就正常行   一望隻行就拖下拖下行

mami:      其實你 d 戲好屎囉... 不過記住要連戲喎... 今晚都繼續要咁行...

好嬲呀   都知已經比mami識穿架喇   都要繼續講大話   mami就黎沉唔住氣喇   真係好想兜巴車落去   忍忍忍

忍到返學校門口   隻hang想攞番個書包去排隊等入學校  

mami:      你腳痛嘛... 我一陣幫你攞埋個書包上課室...
hang:       唔駛呀...
mami:      要...

冇耐見到鄭主任   就過去鄭主任到   而mami已經打咗眼息比鄭主任

mami:       鄭老師... 哩個同學腳痛... 我想申請幫佢拎書包上課室...
老師:         啊... 咁你隻腳邊度痛呀...
hang:        我自己拎到...
mami:       更係唔得喇... 一陣仲嚴重...
hang:        依家冇事喇...
mami:       點會呀... 你係屋企樓下拐下拐到返學校咕喎...
hang:        我正話係小學個附近拉咗根冇事喇...
老師:        咁究竟係咪真係腳痛... 真定假 ... 一個字 ... 答喇...
hang:        假... (眼碌碌咁望住老師諗咗幾秒)

Thank you 老師後   mami好氣憤咁去返工囉   之後匯報比嫲嫲姑姐知   仲有whatsapp比個dada  而個dada淨係問咗句 "遲咗返工?"

嫲嫲話 ~ "阿hang好難教。唔知佢講真定講假。都唔識點教佢好喇 "

姑姐話 ~  

"妳個仔是難教，是唔容易㗎" 
"不要過分擔憂，我亞媽個仔咪又係咁長大😆"
"史上最大騙案，就係揾到妳做老婆"
"我地一家重好平安😊"
"繼續努力... 永不放棄"

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

放工返到嫲嫲屋企   姑姐已經同隻hang傾緊計   傾完既結論係   隻hang真係腳痛   而且做錯咗係向老師講個"假"字   隻hang係笑笑口對mami講

姑姐話mami要相信個囝   但今朝隻hang個衰樣   真係冇可能相信   只係想車巴佢   mami都覺得自己好委屈

最後隻hang當然要罰一星期冇機打喇   mami打咗一下手板之後隻hang就去沖涼

chin:      mami你好似講過如果hang再講大話... 你就用衣架"藕"佢喎... 
              唔係你就唔姓陳喎...
姑姐:     chin... 你真係好記性喎...
mami:   係喎... hang出黎...
hang:     除咗褲嚕喎...
mami:   著番囉... .... .... 去攞個衣架黎... ... ... 記唔記得我講過咩呀... 

隻hang攞住個衣架比mami ... 又係笑笑口

hang點頭   姑姐都裝作好驚我真係會勁打隻hang咁囉   係哩個情況下   mami只有細細力打咗隻所謂既痛腳一下

mami:    唔好以為再講大話... 都只係咁"藕"呀吓... 去沖涼...

哩晚隻hang都斷斷續續咁成日同mami講野

mami:    其實我唔係幾想同你講野喎...

2011年 3歲既hang

赤柱半天遊

兩個月前Uncle Richard通知幾時會黎香港   mami又諗來諗去   最後比mami諗到去赤柱兜個圈   都係個 good idea

就係咁   赤柱半天遊with Uncle Richard & Daphne姨姨 

搭赤柱巴士好似坐過山車咗   兜來兜去  mami覺得刺激啊

chin:   一 d 都唔刺激喎...

好曬

今日天色暗暗地   但係都幾熱下

兩隻豬豬幾鍾意哩埋石

個dada一支箭咁自己行咗上去   兩隻豬豬隨後跟住

dada:     比隻手dada喇...
chin:      唔要呀...

兩隻豬豬好少可擺哂pose喎

selfie 下先 

行行下   隻hang拎個magic扣出黎考 uncle Richard囉

大家決定係哩間露天餐廳食lunch   臨尾竟然見到謙大狀拍拖   真係有緣

黎到赤柱   更係要黎碼頭行下   好曬   隻chin扮鬼囉

隻hang就扮怪獸   真係吖

食埋甜品就回程嘞

chin:    我都想同mami一齊掛個愛情鎖係度呀... 

語言無界限呀   唔肯講英文既兩隻豬豬   繼續同uncle Richard玩

到喜帖街   大家就係巴士上say goodbye la

買咗隻chin至like既tart   

chin:    mami你都揀番件... 我同你share下吖...

個dada都話要食番件喎   而隻hang就話冇興趣唔食   好喇   咁mami都揀件喇

卡樂b 係附近   好難唔去兜個圈囉

多謝uncle Richard & Daphne姨姨既禮物

chin:   好好食呀...

咁貴一件   好難唔好食囉