生日禮物 ~ 滅蚊燈

今晚個dada送咗份生日禮物比hang    登登... 登...  滅蚊燈   哈哈... 笑 c mami

hang:    滅蚊燈黎既...
dada:    你唔係鍾意既咩... 睇下dada幾錫你...
hang:    我唔係鍾意哩 d 做生日禮物喎...
mami:   @@

開舖喇

位DIY食物模型完成咗大半喇   可以開舖喇

chin:       哩位客人想食 d 咩野呢?
mami:    要個特餐喇...
dada:     我又要...
chin:      冇呀... 淨係招呼mami一位架咋...

隻chin哩個手勢係學mami既   哩個moment係鴿住mami要食哂個餐

7-Eleven花形陶瓷碗

mami都幾鍾意7-Eleven哩系列既花形陶瓷碗   可惜抽唔到最喜歡個 d 款

chin就好喜歡抽到既太陽花布甸狗

衰囝

最近個dada成日叫隻hang做衰囝   冇論個囝有冇曳   都叫個囝衰囝

今日講開電話 

mami:     唔好叫個囝"衰囝"喇... 佢會標籤自己係"衰仔"架...
dada:      更係唔會喇... 你講就會... 我講就唔會...

真係好想打巴個dada

大岩桐@office

大岩桐開花喇   好大朵   好靚

朵繡球花就差咗 d 喇   只係得咁太咋

IPSC射槍 ~ 安全眼鏡

上個星期   上完堂   

hang:     今日射失好多分...
mami:    咁再練習多 d 喇...
hang:     唔係呀... 係 d 眼鏡好花呀...
mami:    又關個眼鏡事既...
hang:     係架... 太花好難描準架...
mami:    咁搵下有冇個 d 眼鏡買... 
               買個係你自己用架喇... 好唔好...
hang:     嗯... 

最後mami諗到五金舖就有安全眼鏡買喇   隻hang揀咗哩個成個潛水鏡既款   好傻瓜呀   不過個囝鍾意就得喇

special紫羅蘭@office

哩盆係公司盆special紫羅蘭既囝黎   依家係嫲嫲屋企生活緊

腳痛

hang:      mami我隻腳又痛呀...
mami:    點解又整到既...
hang:      我行個時又扭囉...

之後姑姐就幫隻hang包紮

隻腳痛冇哂心機

家政堂 ~ 炒牛肉

今日家政堂炒牛肉

mami:    d 肉咁淺色既... 豬肉黎架...
chin:      都話係牛肉咯...

好消息壞消息

hang:      mami... 講你聽呀... 有兩個好消息... 同一個壞消息...
               你想聽好消息先吖... 定壞消息先呢...
mami:     好難揀喎... 咁...  (隻hang搶答番)
hang:      好消息就係"冇壞消息"... 而第二個好消息就係我英文默書100分...
mami:     哦... 咁叻呀... 返黎錫你一啖喇...
hang:      我想要書...

個囝就係咁鍾意兜個圈黎講野架嘞

黃熱針

由決定跟姨婆去東非旅行  mami就忐忑要唔要打黃熱針   其實跟個團要唔要打都好   都係打咗安全 d 既   姨婆駛出三吋不爛之舌既本領   等婆婆可以早 d 去打針   其實係想知道婆婆打唔打到針囉   始終年紀大嘛   最後婆婆成功打到針喇   鬆一口氣   可以安心去報名落訂喇    又到mami驚驚打針喇   

婆婆打針後幾日   連續三日都好攰好眼瞓   一日瞓足十個鐘   好彩之後冇事   亦冇發燒

積極學習獎~書券

chin個積極學習獎今日頒獎   大眾書券30蚊 + 獎狀   mami一返到黎就攞比mami睇嘞   算你喇

mami:    係咪遂個上台領獎架...
chin:      更係唔係喇... 一個代表上台攞...
mami:    咁即係唔係你做代表喇...
chin:      更係....

都多謝老師分個豬肉獎比chin既

special紫羅蘭@office

靚

大岩桐超多花蕾呀

安全感

hang:     幾時有風扇呀... 全屋都有... 係我冇...
dada:     你卷住哂自己... 仲要咩風扇呀... (即係唔熱)
hang:     冇安全感呀... 除非可以瞓係mami隔離喇...

即係瞓係mami隔離就有安全感   唔駛用張被黎卷住自己   個囝真費話   但mami好冧喎

shopping with 婆婆

瞓完晏覺   mami就出去等婆婆放工   去行街   睇下野買去旅行用

先食個下午茶

食完碟星洲炒米   要再encore多個菠羅油   正   好味

最後去埋教協就返屋企嘞