親子日營 ~ 元朗一對手農舍(2)

已經煮好兩樣餸喇  mami同芊芊就去洗筷子喇  又走過另一邊睇下生火燒秋刀魚既情況

焗薯蓉  幾好味  不過原來加咗奶架

芊芊就鍾意碟煙肉炒椰菜

而農舍準備既雞翼應該係最好味既

到灼菜喇  家長媽媽已經幫mami落哂d菜落鑊+酒+鹽   真係唔該哂  mami淨係等d菜淋  跟住叫芊芊"畢"出黎

麵包焗好喇  伴洛神花醬  熱辣辣  又幾好食喎

燒秋刀魚

食飽飽  大家四圍行下

一二三 ...

跳

臨尾飲香矛茶

跟住社工叫大家影相  

社工姑娘:   同mami一齊真係笑得好開心喎

好大隻蜘蛛呀!

miss Chan

下午既活動係音樂會

合唱"真的愛你"

合唱"生命有價"

甜品 ~ 自家制菠蘿香橙雪糕  好好味啊!

社工姑娘即場整咗一人一張咭  係背後寫上向對方講既說話

回程嚕

剛好可以接埋行行放足球班  去食個甜品喇

係樓下商場既759買咗一籮野

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

mami想讚下嫲嫲  因為今日去哩個農舍  好多同學仔搽哂防蚊野都被蚊  蠓  咬到一腳一手都係  mami都有中蕉既  好彩只係幾粒  而芊芊呢  只係帶咗條蚊帶係腳度  同後來同學仔媽媽比多一格蚊貼黐係衫後   芊芊一粒蚊爛都冇喎   mami認為係嫲嫲時常比花露水芊芊淋身既關係囉   嫲嫲真係抵錫  

親子日營 ~ 元朗一對手農舍(1)

今日係成長的天空既親子日營活動  去元朗一對手農舍  芊芊之前都成日問住邊個同陪佢去親子日

mami:    咁你想邊個去吖...
芊芊:      更係mami你同我去喇...
mami:    但係個活動寫咗要煮野食... mami有d担心喎...
芊芊:      唔怕喇... 我想mami同我去...

其實點都係mami陪去架喇

係車度同同學仔一齊坐

元朗既錦田

落咗車行十幾分鐘就到"一對手農舍"  大家就係後面個棚度做活動 

坐底後冇耐  就發現原來有好多小昆蟲   而農舍主人話昆蟲係朋友  唔可以傷害既  唔只檯上面有昆蟲散緊步  連坐緊張檯個底  邊位都有蜘蛛網   睇下芊芊個樣幾驚   其實mami都好驚架  不斷拍打手上既扇  等d小昆蟲唔好飛埋黎咋

上午既活動係煮野食  1至7項係親子活動  8至12項就由農舍提供  冇入廚房既mami第一個舉手話要負責灼菜  簡單吖嘛  而老師就分配芊芊整麵包  

時間既關係  農舍主人已經預備好已經發酵既麵粉團   而芊芊就張配料搓混入個麵團到

又原來整靚似個包形都未係完成喎

要再落d橄欖油水  再搓  又篤d窿窿

油笠笠  e....  隻芊都冇講出黎既  係個mami見到感覺唔好啫

放咗入焗爐後就出去洗番隻碟   義工姐姐幫忙影咗張相

到mami攞菜喇   其他家長婆婆教話要切咗個菜頭先   其實mami都識處理既  只係真係太耐冇做過  要諗一諗哩隻菜應該點處理啫

去洗菜嚕

家長婆婆又見到mami洗菜既手法唔啱  跟住又出手幫忙  真係失禮哂

未輪到煮菜  見同學仔包餃子  芊芊又去學下喇

成盆餃子都係哩位同學仔自己包存  好叻啊!

大家分工合作  好忙  而雞手鴨腳既mami都已經好努力搵可以做到既野黎做  當然都要影相喇