去坐摩天輪喇
都唔算多人排隊 好快就有得坐嘞 仲可以自己一家人一個車廂添
芊芊係咁睇嘉年華有咩玩 自己想玩咩野囉
第四個圈喇
每車有5個抽獎 我地竟然抽到兩個喎 好lucky呀 係曲奇餅
係碼頭行過奇華時 見到有紅豆糕喎 買啦 都直接返屋企落
價真棧嘅戰利品 買咗幾百蚊野有7支頭抽送 加埋個團嘅每人一支 總共13支呀 犀利啊!
講番出發前幾日
芊芊: 我好想坐摩天輪呀... 坐咗就會好幸福架喇
mami: 不你依家唔幸福咩?
芊芊: 幸福... 不過坐咗就會更加幸福...
mami: 哈哈... 睇情況啦! (mami唔敢應承住... 費事萬一有變數)
坐完摩天輪後
mami: 坐完摩天輪嚕喎... 覺得點呀?
芊芊: 冇咩轉變呀!
mami: 吓... 你唔係話坐完摩天輪就更加幸福既咩?
芊芊: 如果可以去迪士尼或者海洋公園就幸福囉!
啊... mami好天真咁被騙了!
參加咗屋苑一天遊 標題係幸福摩天輪 不過淨係去睇 唔包坐嘅 係平台上車 非常方便
等車中 兩嫲孫好開心啊!
第一站去九龍公園 ~ 文物探知館 未開門就係隔離嘅玫瑰園行下先
嫲嫲姑姐同dada對哩兩張相係度想當年
芊芊就唔鍾意睇懷舊相 但係就對歷史物件好有興趣 真係逐件遂件睇 要dada催先願行架
嘩 ~ ~ 咁多櫃桶 隻芊係度遂個開黎睇 點睇得哂呀 九龍公園啫 都好容易黎既 mami就應承遲d再同隻芊黎過慢慢睇
隻行又阿彌陀彿
哩個館有好多野禁下 拉下 好互動 又有地方比大人坐下 真係幾好
打機 ~ 捉白蟻 個dada又霸住黎打嘞
榕樹氣根變咗樹幹
等自動門閂 隻芊走去玩"忍術開門術" 傻芊
係九龍公園四圍行咗一陣 不過都未行哂嘅 芊芊話要返去玫瑰園喎
同姑姐玩捉
去香港仔酒家食午餐 成盆白飯 好似返大陸個d圍餐咁
係士多買咗bb糖
跟住去美味棧 兩隻豬豬樣樣都話想買 揀啦揀啦 架車會直接返到屋企平台 就係咁又買咗一大袋野