屋苑一天遊 ~ 幸福摩天輪(2)

去坐摩天輪喇

都唔算多人排隊  好快就有得坐嘞  仲可以自己一家人一個車廂添

芊芊係咁睇嘉年華有咩玩  自己想玩咩野囉 

第四個圈喇 

每車有5個抽獎  我地竟然抽到兩個喎   好lucky呀  係曲奇餅

係碼頭行過奇華時  見到有紅豆糕喎   買啦  都直接返屋企落 

價真棧嘅戰利品  買咗幾百蚊野有7支頭抽送  加埋個團嘅每人一支  總共13支呀  犀利啊! 

講番出發前幾日

芊芊:    我好想坐摩天輪呀... 坐咗就會好幸福架喇
mami:   不你依家唔幸福咩?
芊芊:    幸福... 不過坐咗就會更加幸福...
mami:   哈哈... 睇情況啦!  (mami唔敢應承住... 費事萬一有變數)

坐完摩天輪後

mami:   坐完摩天輪嚕喎... 覺得點呀?
芊芊:    冇咩轉變呀!
mami:   吓... 你唔係話坐完摩天輪就更加幸福既咩?
芊芊:    如果可以去迪士尼或者海洋公園就幸福囉!

啊... mami好天真咁被騙了!