芊芊第一次自己出門 第一日已經有事件發生 真係掛心
當晚收到軒軒媽咪電話 軒軒話芊芊比蜜蜂針 老師依家帶咗芊芊去醫院
吓... 點解既 點算呀 實喊 c 隻芊喇 好擔心
mami即刻同軒軒wechat 都係咁講 跟住校工姨姨就話隻蜜蜂冇針到 校工姨姨話見芊芊冇事既 不過有液體係頭到 去睇下醫生好d 唔係去醫院 只係去診所 叫mami唔駛咁擔心
咁又點會唔擔心呢 之後mami一路等都冇電話再打黎 其實都知道應該係冇事既 因為學生有事既話 老師仲驚喇 不過mami都係成晚瞓唔著囉
好唔容易等到天光 睇住時間就whatsapp&wechat軒軒 冇回應 到臨出門口要同行行返學嘞 就接到軒軒既wechat視像 見到芊芊喇
芊芊: mami我冇事呀... 我尋晚洗咗頭...
冇事就安樂哂嚕 咁mami都唔多講喇 要同行行返學
晏 d 既時候 軒軒媽咪了解多d 就話比mami知 係隻巨型"日本蒼蠅"一直"嬲"住芊芊個頭唔肯走 於是老師就拍死咗 但有液體係頭 而芊又話痛 所以就去咗醫院 真係去醫院睇既 因為日本係冇診所既 校工姨姨怕mami擔心先講係去診所睇
芊芊回港嘞 mami就更係睇下隻芊個豬頭喇
mami: 芊你個頭一係就係好臭... 一係就係好香... 所以個隻烏蠅先咁鍾意唔肯走...
芊芊: 係好香呀...
之後返學見到負責既老師 老師就再講番比mami知件事
隻烏蠅一路"嬲"住芊個頭唔走 冇耐仲咬芊 酒店職員就用手捉走咗隻烏蠅 仲話哩種烏蠅不時都有哎人既 而唔係係芊個頭上面打落去打死隻野 因為芊話痛 又見到有點血 驚隻烏蠅有毒 安全起見 都係去睇下醫生
老師比相mami睇前 仲比心理準備mami 隻野幾大隻 怕mami嚇親
喔... 又真係好大隻喎
芊芊: mami你知唔知我當時有幾驚呀...
老師話預備好保險文件後 就會聯絡mami 而mami就話要先比番錢老師先
醫藥費14,950 yen 大約1,100蚊港幣
芊芊用淨既yen又夠比番老師 再淨底既yen就比埋姑姐過幾個月後用
mami心想都唔知claim唔claim到保險既 claim唔到就當芊係個邊用埋囉 又點知個幾星期保險公司就有回覆 claim足喎 真好!
今日由沖繩返香港喇 中午機 所以今日就冇其他行程嘞
嘩... 芊芊好多袋手信喎 點解唔放埋入唿既?! 原來係mami攪錯 哩張相係第一日check-in時影既
dada係機場就睇住芊芊班機降落 影咗相比mami添 不過都唔知真唔真既
dada話中間個架機就係芊芊搭個班
順利出閘 學校安排旅遊巴返學校先解散
mami放芊芊一馬唔去補習 而mami就叫芊芊排好哂所有手信影張相留念
mami一入屋就見芊芊係度做功課 算乖囡喇
嘩... 都買咗好多野喎 mami 比咗36,000 yen芊芊 芊只係用咗20,000yen 即係大約1400蚊港幣
芊芊話第一日去到就見到個bonbonribbon背囊 要4千幾yen 驚買咗之後唔夠錢用 所以冇買 依家好後悔 哈哈... 咁芊芊都好識諗
mami叫芊芊揀d 食物返學校請同學仔食 芊芊就話好難揀 樣樣都好似好好食 但又只係得一盒 咁mami話一陣去759睇下買d 野食返去當係手信請同學仔食囉 芊芊又話唔係咁好 咩都唔帶未仲唔好 隻芊好懊惱個樣加又想想地流眼淚 笑c mami囉 最後諗到係菠蘿園買既和果子有三盒 一盒有20粒 咁帶盒半返去就okay喇 笑番哂囉
係outlet見到森林家族專門店 芊芊話好開心呀 不過得好少時間睇同買 但係都買咗5盒喎
mami: 又買哩支筆既?!
原來之前買個支比芊拆開換色既時候整爛咗喎 所以又買番一支
可愛小貓 預備送個紅色比班主任miss Lee 但因為miss Lee忙住彩排六年級既畢業典禮 好少見 見到既時候又到隻芊唔記得 最後要家長日mami見miss Lee既時候代隻芊送出
芊芊話行行鍾意食咖哩 所以都買咗兩盒 好有細佬心喎
芊芊返到黎最開心就係抱住bb嘞
有幾包糖 芊芊都記得買多包 同行行一人一包
超長糖
芊芊話一見到哩個花紋咁靚 又咁深色 就諗起mami話要襟污糟 哩個放牙籤既鏡就最啱mami嘞 因為mami成日食完野都E起棚牙 問隻芊mami棚牙有冇污糟 好窩心啊 多謝芊芊乖囡!
芊芊: mami你係咪好鍾意呀!
mami: 更係鍾意喇...
急不及待要拆森林家族黎玩 好精緻喎
芊芊話只係得佢同另一個男仔買森林家族 個男仔買咗一盒比佢妹妹
芊芊比番mami既yen 嘩... 有成 4 千幾yen係coins黎架 有冇咁多呀
大虎whatsapp問芊芊旅行學咗d 咩
芊芊一答就話唔知 跟住就話學識買野要快 要唔好諗咁多 少少鍾意就好要買嘞
笑c mami
沖繩之旅 第三日行程
1. 美國村
2. 海邊拾貝殼
3. outlet (100 yen 店)
原本早上係去參觀自然學校 因唔夠時間而除消咗 芊芊話個個同學都好開心囉 而芊芊就話可以去多d shopping 正呀! 所以mami都唔寫哩個係交流團囉 而之後軒軒就話哩個旅程無野學到唔係幾開心 因為冇去參觀學校囉 哩d 就係叻叻讀書既學生同唔叻讀書學生既分別嘞!
老師間房既窗外景色
芊芊話跳咗幾十次先影到哩張相 芊話虐待喎
mami準備咗襪比芊芊帶去沙灘著 但係芊就冇著喎
芊芊話幾日都係食自助餐既
~~~~~~~~~~~~~~~~~~~~~~~~~~~~~~~~~~~~~~~~~~~~~~~
最後一日 芊芊只係影咗幾張相
