去咗旅行幾日都冇默書 返黎更係要默番喇 星期一星期二hang唔駛返學 mami叫一日默中一日默英 星期三假期就默哂
星期一mami放工返黎問咗句默咗未 隻hang話默咗 mami係有叫隻hang攞出黎比mami睇下既 但隻hang冇攞 之後mami就去咗執旅行野洗衫 成晚都忘記咗再問嘞
尋日星期二放工後mami再問 隻hang都係話默咗 仲講錯咗 d 咩字添 mami又係叫拎默咗既出黎
hang: 唔駛喇... 聽日都一次過默哂喇... 睇日再睇...
mami: 我想依家睇...
hang: 唔駛喇...
mami: 我要依家睇...
好明顯 又講大話喇 最後隻hang入房耐耐地先出黎 然後就比咗本簿我睇個兩編默書 仲解釋咁耐先出黎係因為收埋襪 不過mami睇住個兩編默書 就認為係之前默既 只係默完冇摵出黎掉啫 但隻hang就堅持係哩兩日默既 mami沉住氣冇講野 心底就更係唔相信喇
到今日假期 又睇完戲返黎 要默書喇 默咗冇兩句 就話要再溫 咁都好明顯即係之前個兩日係冇默過喇 當刻隻hang就承認咗係冇默到嘞 唉... 點解要咁蠢吖 講住大話打咗兩日機 依家又被禁番一個星期電子產品 係咪蠢吖!
當然mami仲要罰抄默書範圍喇
沒有留言:
張貼留言