教師發展日 兩隻豬豬唔駛返學 原本嫲嫲話想約姊妹去海洋公園 咁mami更係放假湊兩隻豬豬啦 點知個dada竟然話返大陸喎 揀埋旅行團 真係同mami去報名喎 最後嫲嫲放棄咗唔約姊妹 選擇同兩粒孫一齊去玩囉!
原來星期五都好多人過關架 又見到幾個珈琳幼稚園嘅小朋友 又有好多學生交流團 不過都好順利過咗關
一上車 導遊話聽日個景點 同今日個景係順路嘅 建議今日去哂兩個景點 咁聽日就可以早d回程 大家都冇反對囉
bonus ~ 架旅遊巴有wifi喎 不過唔太穩定 但係都用到吖!
10點半到咗第一站 就係海鮮火鍋肥牛自助餐 喔 ~ 個價錢咁平嘅 好驚吓喎 原來未包鍋底同醬料嘅價錢 不過都係好平囉
好多種類 不過d肉類丸類就麻麻地囉 唔好食囉 咁食菜同麵啦!
芊芊更係最鍾意個雪糕啦
行行第一時間去攞水果食
先用量杯裝氣水 然後再倒入個細杯到飲
但係隻行就直接用個量杯黎飲囉
行行: haaa........
mami: 飲少少好喇...
原來有豬腦食架 mami見個dada有食先知有囉 eeeee..........
芊芊搣比mami食嘅蝦
臨尾mami先發現原來有熟食架 d炒飯同炒河粉 好好食喎
朱古力雪糕 yummy ~ ~ ~
行行: 支雪條捧係用邊便黎畢架!
mami: 你咁聰明都唔知咩!
食飽就打機囉
個dada飲咗成支啤酒 成面紅哂
芊芊飲咗好多氣水 走嘅時候已經去咗廁所 但好快又急急想去廁所 係架車上忍忍忍 好彩冇癩咋
沒有留言:
張貼留言