順利攞到所有行理 一出閘已經見到Eva姨姨喇 好好彩 原本係落緊雨既 到我地落機又冇雨喎
返屋企途中先再諗番起個冷氣機囉
屋企d盆栽20日冇水飲都冇事喎 犀利
開落洗衣機後 mami就去探醫生叔叔嘞 由旅程既第2日開始 mami對豬手d手指就開始出粒粒 今次係勁出 帶去用既藥膏都唔夠搽 係瑞士就叫導遊幫忙買咗支藥膏搽手指 係法國見麥蘆卡蜜糖就買黎飲 希望減低出粒粒囉 跟團既旅程 即使每日都唔夠瞓 其實mami精神上都唔覺得攰架 但可能身體既內部就頂唔順 所以出勁出粒粒黎話比mami知囉 去到洋洋姨姨屋企 就開始有覺好瞓嘞 d粒粒應該冇出 不過之前出咗既就開始甩皮 對豬手都幾肉酸 mami竟然冇影到相喎 不過就比過Eva姨姨望一眼 嚇親Eva姨姨囉 醫生叔叔話mami對手都真係好爛下 發痰喎 梗係 爛足19日呀 要食抗生素 仲比隻強勁d既藥膏 一個星期就好番嘞
睇完醫生mami un-pack哂所有行理 好勁呀! 而個dada竟然放哂所買既朱古力入雪櫃囉 咁點拎去比人呀 dada你自己食哂得喇 激死呀! 之後用冰袋攞咗d朱古力返公司咋!
要早d瞓喇 mami聽日就返工喇 個dada就全個星期都休息 真係爽囉 連兩隻豬豬都有聽日全日休息呀 mami真係勤力啊!
好充實既旅行 唔計滯留羅馬冇得去比薩斜塔 同冇得揀去凡爾賽宮 行程都算係好豐富 而mami最開心係可以同埋公公一齊去
係英國咁多日 亦係好好既回憶 又可以住下house 如果再有下次 希望可以去多d地方 同可以去遠d既地方
mami: 最鍾意旅行中既邊個國家呀?
芊芊: 瑞士... 因為我鍾意雪山
行行: 英國... 因為我鍾意uncle
而mami就梗係鍾意荷蘭喇 不嬲mami都係話鍾意荷蘭架 更可況dada係喺荷蘭買咗個surprise比mami吖嘛 哈哈!
10月最尾哩日 mami終於整理好哂21日旅行既blog喇 而今日12月中就post哂嘞!
mami影咗成9千張相連影片 再揀埋叔叔既3千張相 最後mami減至6千幾張相儲存for今次既旅行 除開20日 平均每日300張相啫 唔算多吖
不過整相都真係整到mami暈囉 要分開整比公公同嫲嫲 ori size 又要small size整入手機 不過mami都整得好enjoy既
而mami今次旅程都特別整番個行程list
沒有留言:
張貼留言