嘩... 日本娃娃呀 其實mami係幾鍾意架 不過要個樣可愛個種既
姑姐: 咁就買個喇...
mami: 唔好喇... 影張相就得架喇...
mami唔捨得買野比自己 但係就好捨得買野比兩隻豬豬 做亞媽係咁架喇
hang睇中咗把刀
chin又睇中哩隻柴犬 不過mami唔贊成又買公仔 所以隻chin用自己既錢買囉
chin: 佢好可愛架...
mami: 你可愛 d ....
古靈精怪既hang 又睇到心頭好喇
hang: 我想買青鬼...
個囝既口味真係獨特 所以話任何野都有佢既愛好者 哈哈
晴空塔呀 一陣就黎搵你
風鈴 都係mami喜愛既物品之一 真係買既 都好難揀買邊一個囉 又影張相喇
兩隻豬豬睇中筷子 hang就更係喜歡對熊貓筷子喇 chin就揀咗對閃閃令既櫻花筷子 一對mami一對chin既添
mami: 好貴喎
chin: 哩對好靚架... 又可以同mami一人一對...
mami都忘記咗係迪士尼已經買咗pack筷子
隻hang不時帶住黎行嚇人囉
行過頭飾舖 睇見哩支櫻花髮簪 跟住chin被一個日本婆婆主動整頭髮
Q幾Q就整咗個髻仔出黎嘞 又幾靚喎 買喇 順便插埋上頭喇
kawaii呢 ha...ha...
哩度都有好多扭蛋機 不過就唔係幾啱兩隻豬豬心水 咁就唔好嘥錢夾更扭喇
見到雷門燈籠 影番張相先
個囝又睇啱野喇 原本係想買上面哩架遙控直昇機既 轉頭又改買下面哩個球體既飛行器 個dada又係咁話個囝 係鴨寮街大把喇 仲平喇 dada你成日得把口 一路都知個囝鍾意 咁你又唔同個囝去買
hang話自己買 唔駛mami買 mami買之前見到個盒card就得嘞
終於都行番去一黎到見到既哩間飾物店 mami都買咗好多條扎頭髮橡根
個囝揀咗蠟筆小新襪
買完card mami見到哩間舖好多人排隊 但又排得好快咕喎 嗱嗱淋又去排買黎食囉
又幾好食喎 哩個係午餐黎架喇 哈哈 夠鐘集合喇 冇時間坐底食野
集合地方隔離有個亭 有紫藤花呀 雖然唔係壯觀個隻 但係都算bonus呀
打水洗手
hang: 嘩... d 水好凍呀...
沒有留言:
張貼留言