結業頒獎禮+家長日

尋日放學   嫲嫲whatsapp mami話hang明日要返學喎   喔... 有獎咩   係領獎生先要返學喎   surprise ar   點解個囝咁懵唔知自己有獎架   而mami之前亦問過個囝係有冇獎架   噢... tick咗通告唔出席結業頒獎禮喎   所以mami都冇行入學校門口睇壁報板囉   兩隻都懵丙呀!

即刻whatsapp番班主任話明天會出席

hang:   我想聽日去學校個邊既吉野家食早餐...

今朝結業頒獎禮+家長日  隻hang唔願起身  咁唔去食早餐瞓多陣喇    到夠鐘起身嘞

hang:      我唔返學喇...
mami:    你領獎喎...
hang:      唔上台攞個獎都係會比我架...
mami:    你係咪想打呀...  可以因為唔願起身就唔出席既咩...

快 d 起身喇   唔食早餐都要早返架   約咗班主任一早見

冇耐前剛見過班主任   所以都係講個幾樣喇   先比張優秀班長既獎狀   跟住mami就問班主任   點解hang會有學業進步獎   班主任話成績總分多咗十幾分喎   仲唔係學業進步   喔... 原來係咁   不過hang雖然進步咗咁多   但係班名次都只係進咗一級咋   即係話個個同學都好努力

見完班主任   mami就去禮堂搵hang嘞   喔... 有mami既專屬櫈喎   so good 

hang即刻睇自己張成績表   紀錄咗好多參加過既活動   仲有優點同小功   叻叻啊

原來mami要一齊上台架   好緊張呀

品行優良獎狀  &  學業進步獎狀 

哩個係hang個班整既   雖然mami唔係好知係咩黎   都影下喇

係校網搵番張相

當然mami要獎下個囝喇