準時去到機場 但排隊同check-in就用咗好耐時間嘞 因為婆婆同姨婆既名 差一個字不同 就令職員攪咗好耐 好彩導遊一路跟住我地 真係攪到最後final boading call先到 叫做安全上到機 又好唔好彩 9個幾鐘既機程 後面坐咗三個年青黑人 又嘈又郁來郁去 好討厭啊!
到係曼谷轉機 得好少時間去買手信 好趕好趕 好彩都買到婆婆想買既17包貓屎(豬肉鬆條) 加埋mami姨婆買既 足足買咗二十七包貓屎 犀利呀 香港都有得買架 不過泰國直送更係新鮮 d 好食 d 囉
而原來姨婆係未食過貓屎喎 唔係吖嘛!
順利返到香港 mami就叫咗細虎黎接婆婆 因為機場禁制令 細虎唔比直接入機場 要mami同婆婆去接番細虎 咁細虎同婆婆返屋企 mami就可以直接返屋企嘞 個dada幾好呀 去巴士站接mami喎
返到屋企 mami都係唔夠電視機咁吸引兩隻豬豬
好開心既旅行 因哩個正苦 攪到成個社會灰哂 連mami放開心既旅行相上網都好似唔係幾好咁 唉... 不過都真係叫好彩去得成 真係遲一日出發都可能去唔到 或早一日回程亦都返唔到黎 亦因哩個正苦 mami心情麻麻 攪咗好耐先整好 d 相
集合咗姨婆 Jackie 既相機電話 團友既whatsapp相movie 整理整到眼盲 不過好多memories呀 好值得!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
而mami去咗旅行咁多日 兩隻豬豬真係冇掛住mami架 so sad 不過mami亦都冇太掛住兩隻豬豬架 要盡力enjoy my trip嘛
哩十幾日 姑姐同dada send咗幾張相比mami
多謝姑姐帶兩隻豬豬去食正野
隻hang霸佔mami個攬枕
mami話去搭直昇機 個dada就send張佢搭直昇機既相黎示威
沒有留言:
張貼留言