東莞人山人海二天遊(1)

東莞人山人海二天遊  四餐buffet  勁呀!

係深圳灣集合  唔知點解有架特警車係度展覽比人影相喎 

旅遊車等咗成45分鐘先到

mami以為dada咁好比對腳兩隻豬豬坐  點知個dada又擺個背囊係兩隻豬豬個背脊度喎  真係吖!

行行:   今晚我地間酒店有冇浴缸架?

起初導遊話要雙人床既房先有  不過可以安排下  但去度又變咗有事變卦  冇浴缸嚕  特登買黎既溫泉粉冇得用嚕 

第一站就去食肥牛火鍋  上次都黎過哩間架嘞  麻麻地架咋 

隻芊飲氣水飽喇 

芊芊帶咗本反斗城catalogue黎睇  睇下如果真係買唔到個夾糖機  就揀第二樣喎 

哩個團既唯一景點  矮仔祥 ~ 臘腸 

隻行食咗兩個叉燒包 

返酒店嘞 ~ 東莞迎賓館  今朝架車遲黎  黎酒店又遲  攞房又耐唔知攪錯d咩喎  原本可以係酒店玩下設施架嘛  依家變咗一攞房半個鐘又要出發去晚餐  

間房都算好好  單人床都好大  wifi ok  有香港電視睇  係冇浴缸囉 

係窗出面就係大片草地同樹 

芊芊:   我係哩度既boss

沙朗扒房  麻麻地  冇咩野食  而野食一出就比人攞哂  mami更係搶唔到食喇

cheers... 

隻芊又啫哩溝氣水 

芊芊:   大陸d扒都唔好食既... 冇香港buffet d咁正 

食完返到酒店諗住去康樂樓玩下  落雨喎  仲幾大下添  要坐哥爾夫球車去架  一定濕哂囉  mami好有經驗坐哥爾夫球車架  唔好去喇  兩隻豬豬更係失望  咁今晚比睇成套"無心法師"嘞  跟住mami又比兩隻豬豬開浴室個頭頂"花耍"玩水  開心番哂囉!