河源惠州三天遊 (1)

河源惠州三天遊   哩個團係兩隻豬豬揀既   而今次係掉番轉一早8:00係深圳灣出發   之後先去福田   所以天未光就要起身嘞

個dada又係唔到最後一刻   都唔出現

河源係遠 d 既地方黎既   去到第一站午餐既地方已經係1:30嘞

砵仔飯   圍餐都幾好食吖   只係唔啱兩隻豬豬口味啫

小店shopping

飛天擒蟧  &  七指毛桃   好特別既特產 & 好特別既名稱

hang:    哩 d 黑忟忟咩黎呀...
嫲嫲:    你都成日飲喇... 靈芝黎囉...

唔知點解   見到米通就諗起爺爺鍾意食呢!

跟住去參觀農夫山泉廠   之後仲送每人一支飲品

大家都話幾好飲   當然包括兩隻豬豬喇

兩隻野見到 d 輸送帶就覺得好得意   好犀利

hang:    做個樽好過做人... 好想體驗下做樽既人生歷程...
chin:     我好想做個樽呀...

參觀完就出去草地行下   吹下冷風

好寒下喎   但係隻chin仲除褸

chin:   唔凍呀...

哩刻mami又感受到 "亞媽覺得你凍"囉

  

四點半就到達今晚住既酒店

三間房   今次隻hang只係有少少依依唷唷   但都冇話要跟mami一間房嘞    可能已經接受咗dada   哈哈...

mami:    有袋鼠公仔咁得意既...
chin:       都唔得意... 更係我隻"塔斯曼"同埋"尼亞"先叫做得意喇...

原來真係有團友買哩隻袋鼠公仔喎

真係有浴缸呀   定係叫浴池先啱呢

dada一入房第一件事就係打機囉 

後來嫲嫲姑姐同mami chin換房   因為嫲嫲姑姐個間個浴池大 d 架

chin:       正呀... 哩個可以同mami一齊浸呀...
mami:     噢...

Hi ~ Hi ~

每間房仲有露台添

坐車出去食晚飯

好寒呀

有間公司請員工食飯   有抽獎   好嘈囉   完全唔知佢地講咩野

返到酒店兜個圈先   不過真係好寒

舅母?!

足足開咗成個鐘頭水先填滿大半個浴池   而個囡誠意拳拳咁好想同mami一齊浸浴   好喇   浸一陣喇   而mami亦好小心咁攞埋毛巾放電話snow吓囉   嘻嘻...

浸完冇耐   五指毛桃雞就黎到嘞

長腿chin

chin:    mami你話比今晚夜 d 瞓喎...

臨尾mami唔識熄電視呀   淨係搵到點sleep咋   成晚個電視就光光地咁瞓囉   好低能呀