棍網球國際親善盃@南華會

兩星期前老師打黎問mami可唔可以比hang參加 今日哩個係南華會既比賽 "棍網球國際親善盃"   原先mami係報咗名抽公司既迪士尼票既   到知道抽唔到   先應承亞sir   就可能係遲答覆既關係   d 名單有 d 就冇咗hang個名囉

亦好抽唔到去迪士尼   因為今日hang係比賽中入咗決定性既一球   而入到決賽   最後攞個季軍   

hang:    係我人生日第一個獎牌呀...

hang攞獎牌後就一直全日帶住冇除過   mami睇得出個仔真係好開心  

到塔咁早就要起身出發去南華會   都算順利到達

天氣報告話今日又凍又有雨   mami怕個囝比賽到濕哂   帶咗衫褲替換   點知有冇雨喎   拎到死死下

打下咭先

熱身

熱下身先

集合講解賽制

chin冇興趣睇   自己坐好玩電話   看管行理   mami就可以輕鬆 d 去影相

先打個人賽   有二項個人賽

賽事中有好多長者係度做義工影相   都係多得佢地   mami先有咁多hang既精彩相片架咋

再分初級同高級組賽   hang係高級組   當然唔係因為高度喇   係分年齡既

隻hang同隊友講點攻略搶波

沖呀...

搶呀...

mami記得hang係成功搶到一球既

開始隊制賽   起初mami見隻hang好hea咁   成日係度扭pat pat   一d 都冇出力比賽囉

mami:    落力 d 喇 .... 搶攻呀...

之後先見到個囝好出力咁比賽   咁先啱架嘛

哩個姿勢勁   好彩冇爆   哈哈...

hang入球呀   又比mami影到喎   mami 同 hang都一樣叻叻呀

mami:    勁呀... 犀利呀...

哩局只有hang入咗哩球   先入到三甲   yeah ! ! !

見到哩 d 相   就知道hang真係好落力比賽

完場大家握握手 

決賽後只得季軍   都已經好勁喇

而hang同時係高級組個人賽既頭十名之一   叻叻啊!

季軍

獎杯之後就留係學校珍藏   而老師叫同學星期一帶番 d 獎狀同獎牌返學校   由校長再係大家面前再頒一次   不過到出blog   mami都搵唔到學校有影相

得獎隊伍

大合照   mami都有份架

離開後就去sogo食lunch   隻hang仍然攬住獎牌

返屋企放底行理   再出去會合嫲嫲姑姐食dinner

hang:      mami唔好話比嫲嫲姑姐知我有獎喎...
mami:    我想比嫲嫲姑姐自己發現呀...