意識不良

尋日上午mami收到hang班主任message   問可唔可以放學見一見mami    吓... 咩事呀   一定唔方係好事喇   最後約咗今朝上堂前見面   當刻mami都有問班主任係咩事   班主任就只係講關於hang最近既行為問題    而班主任話hang係知道佢要見mami既    嗯... mami成日都忐忑不安   唔好做野喇

mami:    點解班主任要見我既...
hang:     係咩... 唔知呀...
mami:    你做咗 d 咩呀...
hang:     冇喎... 
mami:    咁冇既... 點解要見家長... 
               攪到mami今日成日都冇哂心機...
hang:     真係冇喎...
mami:    咁聽日就開估囉...

咁哩輪個囝事實又真係冇咩衰野既... 係屋企    不過依家係係學校喎    唉...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今朝要早 d 返學喎  

mami再等班主任上課室攞野落黎    班主任比咗張中文作文考試既影印比mami睇

mami一睇段文字   之前都聽隻hang講過  係 d 食字既衰野   只係冇諗過個囝會寫出黎   真係好幼稚    好蠢呀囝

班主任就話哩 d 係意識不良既說話   仲問mami既屋企係咪好open既添

mami話比班主任知已經聽過   而都係隻hang聽完同學講再講番出黎既

之後mami問番班主任   隻hang係學校有冇其他唔好既行為   班主任反而話好多時叫同學做野   而 d 同學冇人肯做   反而hang就會話 "咁我做喇"   都好   起碼班主任記得隻hang既好事

當mami問班主任咁隻hang有冇對佢say no 唔helpful   班主任就話有   上次叫hang去參加比賽    隻hang就"no"囉   真激死   mami即刻話哩次唔係"no"唔肯幫忙做野   而係個刻隻hang冇信心驚去比賽   先會say no   哎呀   點解班主任咁都唔識分架

會唔會影響操行 ? !   班主任話操行分一早已經定哂   唔係特大件事都唔會改   咁都好 d

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

晏畫hang打電話比mami

hang:      要罰咩野呀...
mami:    你知道自己錯咩野嗱...
hang:      知喇... 
mami:     咁記住喇... 哩 d 野講既時候都要睇下係咩環境下講... 
                何況係考試寫出黎...
hang:      但係考試個時... 我淨係諗到寫哩個... 諗唔到其他吖嘛...
mami:     諗唔到都係唔可以寫出黎囉...
hang:      真係諗唔到嘛... 嗯...  咁要罰咩呀... (其實係咪未知衰呢?)
mami:     咁班主任罰你咩野...
hang:      一個星期既小息午息去抄writing tips...
mami:     mami就冇諗住要罰你... 因為你係唔知唔可以寫個 d 野架嘛...
                而唔係明知故犯吖嘛... 
hang:      嗯... 嗯... 
mami:     所以mami係唔會罰你既... 今晚再講喇... 快 d 去做功課喇...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

返到嫲嫲屋企再了解下   原來作文題目係"我的同學"   隻hang就更係寫佢最like既 J 同學喇
   而原來個兩句寫咗出黎   有意識不良既笑話都係 J 同學講既   hang話佢自己作文都係寫真實既野   所以 J 同學真係咁講未咁寫囉 

mami:    話明作文... 更係作架喇... 唔駛寫真實架...
hang:     我作文係要寫真實架....

係哩件事件mami反而唔覺得係咩事   只要唔係講大話偷竊既事嘛   不過姑姐就激動 d 囉   但係mami係唔會話班主任架   不竟個囝都係佢手上

2017年4月既hang