西歐之旅 (01) Day 1 ~ 出發喇

祁待咗好耐既歐洲旅行  今晚飛喇   夜晚11點機   8點就要到機場集合   Eva姨姨6點就去荃灣車公公  再接嫲嫲姑姐芊行  最後接埋mami就去機場喇   

而mami今日都早走兩個鐘返屋企打點  沖個涼  而個dada就放咗工唔返黎   直接係機場等   可能真係太緊張  mami分兩轉攞行理落樓下  開咗車後一段時間  mami突然諗唔知有冇閂廳個冷氣   死囉   二十一日冇閂既話   會唔會爆炸架   一路諗  真係吖  最後放底咗條鎖匙比Eva姨姨  叫Eva姨姨如果去開附近就上屋企睇下囉   好彩既係之後mami一路都冇再諗個冷氣咋

總共帶左3個大唿1個細唿   細唿就放係大唿入面  而所有旅行既物品  錢  相機  叉電  等等既野  都係mami負責準備架   個dada只係張自己要帶既野比mami放入唿   而二十一日旅行  真係未試過去咁長既時間  mami真係唔係好識要帶幾多衫褲先夠  又要帶短袖既又要帶長袖  又要帶薄外套又要帶厚既  又要帶羽絨  頭都大埋囉  又聽人話歐洲機好多時唔見行理  所以mami又張d衫褲分開  每個唿都放一堆  而又臨尾  個dada話唔用隱形腰包  真係激死囉  最後mami自己袋哂三個身份證護照同錢  mami好有壓力呀  好彩最後旅程順利安全高高興興咁完成   好開心啊!

順利到達機場  仲早過領隊  真係唔該哂Eva姨姨車大家

行行好乖  時常拖住公公架 

兩隻傻瓜望住d行理送落輸送帶  都笑一餐囉 

到齊喇  一行九人  佔咗成團既1/3  最老最嫩既都係我地包辦  嫲嫲好幸福啊  可以全家人齊齊去旅行  真係好難得  又更要多謝姑姐  而mami都好開心可以出力同埋公公去旅行

上機喇  有戲睇有機打  兩隻豬豬超開心囉 

A380空中巴士  大機 d位都唔算窄  仲有兩層添  回程公公叔叔嬸嬸就坐上層喇  

mini罐裝可樂  留咗罐比婆婆

好夜既晚餐  又應該係宵夜先啱  mami 之前已經改兒童餐比兩隻豬豬  不過都唔係太啱口味 

哩份係mami既  都ok既   食完再打多一陣機就要瞓覺嘞  唔係去到英國就冇精神架喇

結冰啊! 

食早餐喇  

到英國喇  哩13個鐘頭飛機都唔難過吖