西歐之旅 (07) Day 3 ~ 滯留英國希斯路機場

零晨5點幾就到機場  班機已經延遲咗個幾鐘先起飛  兩個鐘度既機程  飛咗一個鐘就話機門有閂得唔ok有聲  要掉頭飛番希斯路機場  個刻雖然失望  但個心都係認為一家人要安全至上  跟住就一個又一個鐘咁延遲  最後差不多5點先上機  比原本既7點幾足足滯留咗10個鐘呀  初初話冇得入梵蒂岡既聖彼得大教堂  淨係夜遊 已經唔開心架喇   後來各團友都寧願聽日再去聖彼得大教堂  而唔去比薩斜塔囉  兩個景點都係好值得去既  而一個唔駛比錢  一個要自費既  更係揀唔駛比錢喇  領隊賺少d囉

見到London Bus  mami建議公公買咗比亞弟先

等上機先發現原來有個play area  不過兩隻豬豬都冇著襪喎

上機嘞  (不過好快又落機囉)

細機  冇戲睇冇機打  兩隻豬豬有d失望

又落機嚕 

要滯留英國希斯路機場呀仔  仲咁開心既

又要等  所以就去買領隊推介既北京墳鴨卷試下嘞

買完野食  英航就派每人5磅coupon買野食  真係吖

又食囉  仲好豐富添

而之後又再延遲  又再派每人10磅coupon  而原來只可以買野物  唔可以買物品  咁多錢點食得哂呀  唔駛哂又唔抵喎   之後有團友係starbucks買咗隻水杯  咁我地未又去買囉  揀好哂  點知唔比買喎   mami唔順氣  又再排過另外一邊  都係話唔比  mami再話點解團友比買  而我又唔比買呢  今次哩個店長就反查單據  真係有人用coupon買咗水杯  所以個店長就比我地買嘞  一共買咗4個水杯  又買橙汁mocha同曲奇餅  先用咗幾十磅咋

機場既漢姆利玩具店(Hamleys)買咗玩具  咁之後去倫敦就唔駛再去哩間舖頭喇

芊芊揀咗隻亮晶晶眼睛既狗仔  改個名叫水晶  

mami:   唔係話咗唔好再買公仔既咩?!
芊芊:     嘻嘻...


水晶就真係好幸福  全程跟住芊芊去歐遊  食美食

仲有coupon淨  去買薯片

買咗幾盒餅比公公當手信

hea下....

終於可以上機喇  要搭後面架車去上機

換咗架大機  有戲睇有機打

行行:   哩架飛機有機打架... 正呀...
芊芊:   等咗咁耐都值得架...

細路仔諗得真係傻囉  冇咗成日行程喇  冇得去比薩斜塔呀  唔滯呀!