西歐之旅 (30) Day 9 ~ 我的surprise@荷蘭鑽石中心

荷蘭  ~  鑽石中心

荷蘭哩個mami鍾意既國家  今日去鑽石中心竟然好surprise  收到禮物  初初係半份  最後係一份既禮物  真係好意外  好難忘  突然覺得dada個樣好順眼喎  哈哈

荷蘭Coster鑽石中心 

哩間鑽石公司出品201個切割面既圓形鑽石  稱為"皇家201"  上面幅圖下角位既係最細粒既201個切割面既鑽石 

201個切割面  同一般57個切割面既鑽石  更閃囉

帶皇冠呀  

起初大家聽鑽石既介紹時  mami都唔聽  因為mami係哩方面都有基本既知識架喇  而且又冇諗住會買   四圍影相囉    

之後大家入哂去一間鎖上門既show room  隻行自己走去正中間位坐  好專心咁聽講解 

sales:    小朋友第日大個買鑽石比邊個呀?
行行:    um.... um.... um... 買比mami.... 

隻行um咗好耐先講係買比mami架咋  唔駛咁驚喎行   

哩個內部運送鑽石通道 

Sales show d 閃閃既鑽石比大家睇  突然個dada講

dada:   揀喇... 揀大約萬令兩萬喇

喔... 吓... 冇聽錯嗎?

個dada竟然大庭廣眾下咁講  真係好愕然  好驚喜啊  不過.... 萬令兩萬買得咩呀!

嫲嫲:    唔好理喇... 揀咗先喇... 一係自己貼d囉...

連嫲嫲都叫mami唔好理揀咗先  都係既  起碼cap咗嚿錢先喎

不過已經有粒70份鑽戒既mami   真係睇唔上眼d細細粒囉   自己貼d 就貼d喇  但mami又同自己講過  下一粒鑽石要買公主石  唔係圓石喎  睇完一粒公主石  又諗一下  哩度既皇家201係賣點  應該都係揀番皇家201圓石啱d  跟住姑姐又揀  嬸嬸又揀  都幾亂下喎   之後mami睇仲嬸嬸睇緊個粒  70份  size同mami粒心形一樣喎  咁都好過細過吖  嬸嬸就讓咗比mami要  個刻未計介子托  減埋稅要5萬6  (sales自己計個rate低咗d)

dada:    你鍾意喇... 咁你比番2萬8我喇...

嫲嫲嬸嬸:   比埋喇... (同個dada講)

mami哩刻都冇chur個dada比哂全部  因為比一半已經真係好surprise架喇

Finally 決定要哩粒"皇家201"切割既圓石 70份 H vs2

而姑姐同嬸嬸都買咗錬咀  而後來先驚覺原來嬸嬸個粒係1卡架  都係H色  只係大花d囉  1卡啊  mami亦同dada講過下一粒鑽石要1卡架  不過當時真係思緒又驚喜又混亂喇   

係相黎既  mami好想每個cutting都擁有一粒就好嚕  嘻嘻! 

mami掛住買石頭  都唔記得咗個公公添嚕  而公公就同其他團友去咗隔離另一個地方睇野  買咗鬚刨 

又係思緒太亂   原本mami係鍾意4爪既  又唔知點解mami會揀咗個6爪托  應該因為個6爪托有少少波浪位囉 

埋單6萬港幣  個dada都仍然係叫mami比2萬8  因為個刻個dada冇為而個價錢唔同咗咋 

好貴啊  又好開心啊  唔係發夢  個dada終於唔駛係供完樓之後先買番隻鑽石介子比mami喇 

mami即刻帶住走喇  好曬呀.... 個太陽  不經不覺留係哩個鑽石中心成兩個幾鐘頭囉 

3個女士就放底咗二十幾萬係哩座野度嘞