西歐之旅 (08) Day 3 ~ 意大利羅馬 正宗pizza晚餐

意大利  ~  羅馬  達文西國際機場  正宗pizza晚餐

行行:   點解唔係"羅馬國際機場"

終於都到達意大利首都羅馬  又好唔好彩  有位團友既行理冇咗  又攪一輪  原來行理留咗係英國冇上機   依家趕下一班機送黎羅馬  而羅馬機場唔係24小時  係會閂既  領隊話穩陣起建   先車大家去食晚餐  再兜番黎機場接個團友同行理   成夜晚10點先食晚餐  再去機場  返到酒店已經係零晨點幾喇  

係機場出境時  導遊就提示大家關員多數問大家去邊  答"Rome"就可以嘞  但個關員問mami個問題唔係答Rome既  關員問點證明哩兩個小朋友係我既  mami回答 "they call me mom"  跟住mami叫埋個dada過黎  dada姓氏同小朋友既姓氏一樣  就過到關囉  咁攪笑既  導遊話可能驚人販賣小朋友喎  

dada:   都話要跟住dada先得架...

隻行係機上打機又唔眼瞓咕喎   一落機就眼瞓 

又遲咗個幾鐘先開得車去食飯

見到聖彼得大教堂個圓頂   反而第二日去到   就因為太近而睇唔到哩個圓頂  要上網睇相先見到個大教堂全相

仍然不醒人事

正宗意大利pizza意粉晚餐   pizza mami就食條邊  都幾好食  

意粉有芝士味架   唔啱mami 

行行一路瞓   嫲嫲一路餵幾啖囉   嫲嫲驚餓親個孫 

意大利雪糕 

車上見到"君士坦丁凱旋門" 同 "鬥獸場"

呆哂  不過都冇扭計既

沖完涼就即刻瞓嘞  mami沖完涼執埋行理  再post相先瞓

領隊話羅馬都係一個舊城市  所以d酒店會簡陋d  但係哩間都唔係好差  水力都ok  只係d床超細  張床好難瞓兩個人囉  而隻行今晚就唔肯去公公度瞓  真係吖!